轉眼卅二
較起舊年，卅一算係變化較少嘅。
呢兩年嘅主題可能係沉澱同平衡。
好多時候人地並唔會理會你講咩，
理解你 講咩，對佢地無好處。
唔同嘅人有唔同嘅出發點，同唔同嘅行為。
可以選擇，人人當然都會認為自己所想嘅先至合理，
先至係道理。
對方嘅策略同舉動，根本毫無邏輯，愚蠢之極。
唯有自己高。
批判自己嘅上位者，一意孤行。
但同時其實要求自己嘅下屬只照自己嘅意願行事。
相反嘅意見，都係毫無經驗。
睇得唔夠自己多。
-------------------------------------------------------------------
每個人都有自己嘅盲點。
又或者呢啲盲點人人都有。
我就有時睇呢度寫嘅嘢，經常都覺得寫嚟寫去都一樣。
有時想寫啲唔同嘅嘢，但後來又發覺為了寫而寫，
實在太虛。
點都好，卅二了。
應該許啲願望。
-- 希望身邊嘅人都過得好，身體健康，人際和睦。
-- 希望朝著自己所想達到嘅嗰方向，不斷邁進。
-- 最後一個留住先。
