自動沖廁

記得小學嘅時候所有嘅水龍頭仲係扭轉式嘅。
某一年後出現咗壓按彈回式。
各位小同學都非常興奮，行過總要撳幾下。

家下除咗居家，睇怕出街好難會見到扭轉式嘅水龍頭。
自從半導體感應器生產量化，價錢平咗，
而家已經係大量使用。

有嘀設計誇張到你嘅手就嚟黏埋嘅水龍頭，
仲要不斷調整手嘅位置先會有水出，
可謂非常悭儉。


但我認為最有趣嘅係自動抽水馬桶。
可能個人姿勢有問題，往往未坐好已經沖咗第一輪，
過程中仲會沖幾輪。
一起身，又一輪。
偏偏丟落嘀廁紙後要同嘅感應器玩抓迷藏，
又要估下紅燈着幾多秒，再放手，畀盞燈再刪幾秒，
好啦，應該夠啦，缩手。
嘀水終於好似尼亞加拉瀑布般湧出。


==========往事不堪回首月明中，我其實係一條普普通通嘅分割線==========


最近街道上最常見到嘅係一地垃圾。
一張張讓一切隨風嘅面紙同膠袋。
仲有一街低頭撳電話嘅人。

隨著科技嘅進步，
人類嘅手指，原來係矜貴到只可以拿嚟撳電話。
撳Like。
下邊三個格，路過麻煩各位撳下。