廿九

--

--
    -- 聽起嚟就好可怕。



==========睇戲買飛擔凳仔霸頭位入場喇============





1）陀飛輪中嘅霎眼廿七歲，轉眼過咗兩年。（a)
2）過去呢這一年間，其實過得有啲似修行。有時比返學嘅時候仲規律化。
3）九係個俾人好大壓力嘅數字，下一年就跳兩針，個位數跳0；十位數進1。
4）個位數跳0，好似係打回原形。不過，人生似乎係打回--圓形。
唔怪得人到中年係會發福。
5）人生過咗三個十年，呢句留返明年講。(b)
6）一年前打算落嚟呢一年要放空去行下，而家嘅Schedule似乎好大阻滯。
7）真係今非昔比，廿九個Point咁難湊嘅咩？只能夠話，似乎無辦法似以前咁鬼得閒，成日寫埋啲無聊嘢，無謂想。
8）轉眼，遇到公司同事嘅細佬，叫Uncle；同事唔好意思更正到：叫哥哥。
我話：由佢喇，我啲同學嘅仔仔囡囡，應該都有咁大喇。對一個曾經俾高中女生：“謝謝大叔”嘅無厘頭宅男，一個Uncle應該唔係咩要殺人放火嘅事。心照啦，心涼喇，--心寒喇。
（中：你到底是有多糾結啊？？）(c)
9）有心栽花--花不開，無心插柳--柳成蔭；年紀大咗，真係信嘅。
10）一直以為“世事洞明皆學問，人情煉達即文章”係教人做老油條。而家卒之做咗老油條，係時候將一十四個字鑲起佢喇。
11）盡人事，聽天命 - 相信仲係個盡人事嘅年紀，--天命，都幾虛無縹緲。隨緣啦。
12）已經過咗親戚父母不斷追問你有無拍拖嘅年紀；到咗一個親戚朋友父母同事路過嘅安娣都問你日日係咁做法唔駛拍拖湊仔架你之日日溫馨提醒時時關心進度。老細，可唔可以放人啫？
13）不知不覺，“--想當年”嘅年份，又多咗一年。
14）當年嘅新馬仔，而家已經變咗過氣老油條。只會大砲友，話到啲領導層無X用。
--- 結果梗係講係就天下莫敵，做就成身無力打太極。（d）
15）-- “发脾气是你修养不够”，翻译成大人的话是：“发脾气是你遇上的鸟事还不够多。”
16）可惜終衰一日聾兼瘋，兩袋空空借阿窿。（e）
17）年廿八，洗邋遢；年廿九，洗蘿柚 - 一於沖涼轉轉運。(f)
18）阿媽話，三十有個大變。要做好準備。
19）比較有可能係三十之後，習慣咗。(g)
20）人生一場棟篤笑，似乎都仲未Plan好。
21）掌握4種對話語言/方言 ：華語，廣東話，Bahasa Melayu , English，以過去一年，駛得最平均。
22）講到緣分，都幾恐怖嘅，算下算下，少年時代睇埋啲連續劇，小小草又好，小燕子又好，赫敏又好，郭襄又好，穿越又好，轉眼都變嗮大人，女神都就嚟嫁嗮人嘎啦。(h)
23）轉眼，啲青春連續劇，日本AV，都係細個自己啲妹妹仔嚟。倉井啊，明步啊 etc etc.都開始轉型嘎啦，你再唔轉，唔怪得之叫怪叔叔啦。(i)
24）今年似乎龍珠會有電影版，海賊王仲係生活消遣嘅一部分。
25）相對前幾年，舊年睇書特別少，希望接落嚟一年會有改善。
26）升官，發財，取老婆；人生三大方向似乎一樣都未掂 （j)
27）只能夠話，人生係好奇妙嘅，無嘢講，廢下廢下，就寫嗮嘎喇。志在有無參與嘅啫。
玩過，睇過，輸過，就算嘎啦。
28）人生真係好奇妙嘎，真係寫嗮29個Point嘅時候，會慨嘆，就咁浪費咗成句鐘。
29）你仲有無咩想講?

“曾經有段真摯嘅.......我無好好去珍惜，直到....”(k)

好喇。收工。

==============分割線似乎已經成為一種習慣==============

a) 《陀飛輪》陳奕迅，嘅歌詞，唔駛註解係褂？
b） 取自TVB《巾幗梟雄》柴九嘅經典對白 - "人生有幾多個十年”
c）唔好問，唔想講。
d）原句係 “講就天下無敵，做就有心無力”
e）“寧欺白鬚公，莫欺少年窮；終須一日龍穿鳳，唔駛成世褲穿窿”  - 唸到都毛管凍
f）新年習俗，呢度借用“新年"嘅年，作歲數嘅年。
g）老夫子有一篇算命，講佢四十以前無所事事，身無分文；興奮之下以為四十以後有個大轉，結果答案居然係：“四十之後，就習慣了"
h）計瓊瑤系列《青青河邊草》，后有《還珠格格》，《Harry Potter》，張紀中版《神雕》，《步步驚心》，值得一提嘅係女主角介於76年到87年。
i）無得解嘅，本部落客係 U - Untuk Semua Penonton Umum 噶，再寫就打格子嘎啦。
j）此篇應該係響舊部落 《鵪鵠茶餐廳》中。
k）如果連呢句都要睇註解，你都係去瞓觉好過喇...夜啦，小朋友 -- 小寶寶 食蛋糕 飯仔mum mum 即刻送到 食過無壞 唔會變壞 an gui gui ......

Good Night