出街買嘢，會要求唔要紙袋。
盡量唔買樽裝水。
衫著得都會著好耐。甚至著到爛。
就留返瞓覺著。
好似真係咁樣一回事兒。
最初係買咗耳機。
發覺夾耳痛，唔好駛。
再買咗一套。
後來發現仲有其它音色好特別。
又買多咗一套。
-----------------------------------
五年前係學校嘅筆記電腦終於出糧。
但係當時嘅我，未有糧出。
終於開咗工，兩個月，
至撳咗半個月嘅薪水嚟買電腦。
配備都以中下端，可以接受嘅範圍嚟配。
但求可以低配打機。
前兩年曾經係顯示卡壞咗，
就買咗套新嘅，
後來又比較寬裕，又換咗處理器。
中間仲加咗Ram。
後來原廠風扇竟然壞咗。
又買第三方風扇。
仲有壞咗嘅硬碟。
後來新工作，搬咗自己嘅Keyboard同老鼠去返工。
自己買過套新嘅。
兩年後又換工，又搬返啲嘢返屋企。
年頭電腦跳電，估計供電器壞咗。買新嘅。
後來發現原來主機板啟動都已經非常唔穩定。
終於呢幾日買過新嘅。
但新嘅板，已唔支援五年前嘅科技。
換板，Ram要換，處理器換，連軟件都要換。
一部電腦，就幹五年內變咗另一部電腦。
而我就堆積咗裝兩部電腦零件嘅盒子。
同幾乎等於一部電腦嘅廢置零件。
----------------------------------------
仲有壞咗嘅風扇。
- 一堆嘅戲票，發票，銀行嘅信件，機票，政府嘅信件。
- 保險嘅來往信件，過年嘅紅包，各種同事去旅行嘅手信。
- 公司抽獎抽到無咩鬼用又賣唔出嘅電子產品。
- 分包餅乾嘅包裝紙，乾電池....
- 買咗一堆嘢嘅保家單。
- 十年用，可能仲用得嘅Nokia 手機。
- 六年前用，唔再用得嘅Samsung 三線手機（當時Android興起）
- 四年前用，Samsung嘅一線手機。可能仲開得。
最怕嘅其實係信件，一堆私人資訊，
機票，有Barcode，呢個時代，似乎一張紙都可以透露好多嘢。
收埋，唔知丟好定唔丟好。
我仲未提到幾個電郵戶口中成千上萬嘅電郵。
郵箱有幾多GB，而家已經無人去留意了。
有時我都唔知，幹多嘅電郵，到底全世界嘅人加起嚟，
廢郵件佔據咗幾多空間。
人一生，到底需要製造幾多垃圾？
有時係街邊拾人隨地丟嘅垃圾，原本只係覺得無公德心。
但唸埋一舊，居然覺得隨地丟垃圾，
比起貓狗隨地排泄仲要噁心。
人地動物係回歸大自然。
而你人排出嚟嘅嘢，化幾世都可能化唔晒。
No comments:
Post a Comment