三句說話

一，哀--莫大於心死。

這是我高一給自己設下的座右銘。那時候的班導師是莊麗琴老師。
這麼一個座右銘，是覺得需要鼓勵人勇往直前，從不放棄，越戰越勇 etc. etc.
但同時又不覺得自己是個永遠Positive的人。
面對失敗，面對失去，要人不傷感，
我覺得那是神經病，非人性的。


電影《龍的傳人》裡黃翔嘅一首《繼續玩》，就很有感覺。
“寻日至执笠又开番铺”
仲有
“就 算 挞 直 我 仲 风 骚
似 咸 鱼 番 生 更 自 豪”

話說人生不如意事事常一，二。
(唔係八九?)
卻實話哉，據黃子華講，覺得會不如意事常八九，
係自己心裡個二五仔係度二五自己搞到自己唔開心嘖。
經常，七八成，人生其實係無咩特別事。

傷感，係一定要嘅。
但心，要不死。
心都死了，就都沒了。
只要心不死，
重新整理，整頓，調整方向。

---再進發。

====================================================

二，做一日和尚，敲一日鐘。

-- 曾經有人問正在澆花的聖方濟阿西西：
“如果你明天就要死了，你會做什麼呢？”
“他答說："我會繼續澆花！”

話說，做一日和尚，敲一日鐘， 原本係話做得一日算一日，馬虎度日，不求上進。
睇真啲嘅時候，真唸唔明點解啲人會甘唸。

一，敲鐘真係好容易？
二，據其它網路搜尋，其實和尚敲鐘係一個好重要嘅工作。皆因廟內大小作業，所有人就靠個鐘嚟辨認時間。我係唔太清楚。
三，你今晚就死得，你今日仲敲唔敲鐘？
四，你唔做和尚了，唔敲鐘，唔唸起敲鐘，辦唔辦得到？

出嚟社會呢幾年，經常見到一個現象：人人都覺得別人嘅工作好易嘅，尤其你唔識做嘅時候。設計師，就常常抱怨客人當自己免費。 --求其咁幫我畫下就得啦，好易噶。 你係電腦撳兩撳咪得咯。--咁易嘅嘢，居然要用咁多時間！

我唔知係咩鐘啦。如果係好似啲武俠小說咁要用個頭去撞鐘。我係唔夠膽講易過借火喇。驚耳聾。

丟完信，可以辦到幹乾淨淨嘅人；我好少見。一啲人未走，咩都同你辦空晒。不斷咁係同事面前跳舞好似慶祝自己甩難，上天堂。

另一種，似乎要斷唔斷，欲斷難嚟。公司無咗你唔掂。

做一日和尚，敲一日鐘。係一個境界。
提醒你，收工，返屋企，係要休息嘅。
提醒你，人走，茶涼，新風景。
提醒你，不在其位，不謀其政。咪唸住人地就活得易。
提醒你，仲在崗，身心到要在秦，聽日投漢，係聽日嘅事。

===================================================

三，凡走過，必留下痕跡。

呢句，係漫畫學會嘅時候，李增注老師最鍾意強調嘅一句話。
強調次數，到我就嚟嘔。
原本係提醒我地學生要將自己嘅作品，都蒐集起嚟，作為自己反思，反省，鑑賞用。

當時其實覺得無咩特別。

出嚟社會耐咗，發覺基本上，你呢個人做過咩，原來無咩人記得嘅。
甚至乎，你遇到一啲大懵老細，佢會連佢叫你做盡咩都唔記得。
最後，遇到唔識得欣賞你嘅人，貶得你一文不值。

另外嘅一個問題，在與交接俾人。
做埋今日和尚，聽日還俗。憑咩？
痕跡。

上一手撇個熱沙煲俾你，搞到你陀手愣腳，
條粉腸走得瀟灑，好個和尚修為。你唔通都一樣？

你話無記錄，因為係已經做壞，做爛，你只好死馬當活馬醫。
最後搞出嚟，一煲燶粥。
你話燶粥唔好，再煲過，當無數。
咁你花過嘅心機，老闆出糧係唔係當無數？唔駛出糧？
你要記得，一煲燶粥，係你嘅責任。
亦都係所有相關者嘅責任，
點解付出數月，不斷救火救災救救救苦救難大慈大悲觀世音菩薩，
點解到最後煲出一一一煲燶粥?

點當無數啊？

記錄，係提醒自己做過咩，救過咩，拼過咩。順便睇下自己做錯嘅，做啱嘅。
亦係一種領會：任何一個爛作品，都有因必有果。
你面對得到個就算唔係自己煲燶嘅粥，你先有面對煲靚粥嘅準備。
而煲靚粥嘅時候，你更會為自己無錄下所有無到有嘅過程而惋惜。