五月一日

一個曾經以為自己唔會忘記嘅日子。

前嗰幾日唔知咩人翻開我嘅舊事記，突然瀏覽量上升。
好奇之下自己又睇下。

嗰年真發生了幾多小事大事。



嗰年嘅尋日，大學生涯仲嘅Last Last Last Paper。
終於考完。
算係非正式畢業。
（會唔會畢唔到業噶？）
（真係懷疑過會畢唔到業添。）

考完，我行出考場，
一段我考完試，行過最長嘅路。
2009年經濟唔係幾好。
嗰一屆好多人，無喺畢業前就搵到工。
我就更唔使講。

落嚟，做咩好？
何去何從？

=======================================

7年之後嘅當下，
人生嘅重心，偏向咗工作。
朝九晚七八九，似乎已經係常例。
周邊嘅人都似畫般落咗又上，上落後又換成新嘅。
耐咗以後，好難唔似一個旅客般嘅睇著呢一切。

嬲咩呢？又唔係叫你同佢做人世。
於是，你睇唔慣嘅，又或者睇你唔慣嘅，
唸多唸，都由佢喇。
或者呢挺心態，就叫老咗。

始終都仲有嘢放唔低，睇唔開。
有嘢睇唔化，人地踩過線都仲會反擊，
可能仲未老夠。

想做嘅嘢有啲模糊，未達成。
三年前做咗啲變動，行咗兩年唔係太一樣嘅過程。
一開始不明所以，力抗不公，到後來沉著冷眼睇戲，
跟著唔知點解居然變成一絲轉機。可惜轉機還轉機，
好多嘢始終力有不逮，無法幫人變魔術。
-- 做一日和尚，撞一日鐘。
-- 盡人事，聽天命。

不斷嘅行，我相信仲係會有新風景，
仲係會有執著，亦會有過眼雲煙。

--
--
-- 韶華去，四季暗中追隨，
       逝去了的經已逝去。